तोर जस ला गाहूं ओ दाई

तोर पचरा गाहूं वो दाई, ए दाई

आजा ना आजा मोर ठांव मा

तोर जस ला गाहूं वो दाई, ए दाई

आजा ना आजा मोर ठांव मा

आजा ना आजा मोर ठांव मा दाई

आजा ना आजा मोर ठांव मा

सुरति म सजाहूं वो दाई, ए दाई

आजा ना आजा मोर ठांव मा

मैं अंव छत्तीसगढ़ीहा दाई

जग जंवारा बोधौं वो

जिनगी म उजियार के खातिर

तोर मया ला संजोथौ वो

मोर मुड़ी ला तैंहा ढाकबे दाई

मोर मुड़ी ला तैंहा ढाकबे

तोर अंचरा ला पाहूं वो दाई, ए दाई

आजा ना आजा मोर ठांव मा

तोर जस ला गाहूं वो दाई, ए दाई

आजा ना आजा मोर ठांव मा

पसर नई राखौं तोर आघू मा

कुछु मनौती नई मांगौं

करम के फल तो सब झन पाथें

तोर ले तुंही ला मैं मांगौं

तोर रूप मा महतारी ला पाएंव दाई

तोर रूप मा महतारी ला पाएंव

बेटी रूप तोला पावौं दाई, ए दाई

आजा ना आजा मोर ठांव मा

तोर जस ला गाहूं वो दाई, ए दाई

आजा ना आजा मोर ठांव मा

हृदय के हंसा मोला बुलाथें

आना बईठ जुड़ा लेना

शक्ति भक्ति मुक्ति खातिर

दाई के कोरा थिरा लेना

ईश्वर बंधी तोर कोरा मा वो दाई

कांति-कार्तिक तोर अंचरा मा

सब सुख ला पावें वो दाई, ए दाई

आजा ना आजा मोर ठांव मा

तोर जस ला गाहूं वो दाई, ए दाई

आजा ना आजा मोर ठांव मा

आजा ना आजा मोर ठांव मा दाई

आजा ना आजा मोर ठांव मा

सुरति मा सजाहूं वो दाई, ए दाई

आजा ना आजा मोर ठांव मा