कोन तोरे टिकै नोनी अचहर पचहर
5 बार देखा गया
स्थायी
कोन तोरे टिकै नोनी अचहर पचहर वो
अचहर पचहर के कोन तोरे टिकै धेनू गाय
ये वो नोनी कोन तोरे टिकै धेनू गाय
दाई तोरे टिकै नोनी अचहर पचहर वो
अचहर पचहर के ददा तोरे टिकै धेनू गाय
ये वो नोनी ददा तोरे टिकै धेनू गाय
अंतरा 1
कोन तोरे टिकै नोनी पियर पितांबर वो
पियर पितांबर के कोन तोरे लेवै सोनहा हार
ये वो नोनी कोन तोरे लेवै सोनहा हार
ममा तोरे टिकै नोनी पियर पितांबर वो
पियर पितांबर के मामी तोरे लेवै सोनहा हार
ये वो नोनी मामी तोरे लेवै सोनहा हार
अंतरा 2
कोन तोरे टिकै नोनी पलंग सुपेतिया वो
पलंग सुपेतिया के कोन तोरे करे वो सिंगार
ये वो नोनी कोन तोरे करे वो सिंगार
भैया तोरे टिकै नोनी पलंग सुपेतिया वो
पलंग सुपेतिया के भौजी तोरे करे वो सिंगार
ये वो नोनी भौजी तोरे करे वो सिंगार
✍ लेखक: -
🎤 प्रस्तुतकर्ता: KK CASSETTE
