देख संगी बादर म चंदा हा लुका गे
7 बार देखा गया
देख संगी बादर म चंदा हा लुका गे
तोर मोर मया देख वहूं हा लजा गे
नैना ले नैना ला
नैना ले नैना ला मिलन दे
मन के भेद ऐला खोलन देे
नैना ले नैना ला मिलन दे
मन के भेद ऐला खोलन देे
ओठे म तैं चुप्पी साध ले गड़ी
अंतस के बोली मन ला बोलन दे
लागे संगी डर मोला अंधियारी रात मा
ऐ लागे संगी डर मोला अंधियारी रात मा
डर कईसे जब मैं हां हावौ तोर साथ म
हूं देखना संगी बादर म चंदा हा लुका गे
तोर मोर मया देख वहूं हा लजा गे
सांसे ले सांसे ला
सांसे ले सांसे ला जुड़न दे
मन से आज मन ला मिलन दे
सांसे ले सांसे ला जुड़न दे
मन से आज मन ला मिलन दे
मिले के आस हे तन ला गड़ी
बाती संग दीयना ला जरन दे
बईरी संगी ये जग हे मोला तैं लुका ले
रख लेहूं आ अपन मन मा छुपा के
देखना संगी बादर म चंदा हा लुका गे
तोर मोर मया देख वहूं हा लजा गे
✍ लेखक: प्रेम चन्द्राकर
🎤 प्रस्तुतकर्ता: KK CASSETTE
